Beparwaah

Na wo toot saki,
Na wo bikhar saki,
Aandhi ho ya toofan,
Phir bhi khadi rahi wo!

Chup-chaap, andhere mein,
Diye ki baati jaisi jalti rahi,
Phir bhi khadi rahi wo.

Mausam badle,
Uski chuppi nahi tooti,
Phir bhi khadi rahi wo.

Ilzaam khoob lage,
Aansu ki baarish bhi hui,
Phir bhi khadi rahi wo,

Chup-chaap bas khadi rahi wo!

Us haq ke liye ladti rahi,
Par ansuni kar di awaaz uski,
Dab gayi ek kone mein wo.

Waqt guzra,
Awaaz band hui,
Shor band hua,
Aansu tham gaye.

Chup-chaap ek raah chuni,
Mudkar nahi dekha,
Bas chalti rahi wo - beparwaah!